«Առողջության իրավունք» ՀԿ-ի նախագահ Անուշ Պողոսյանը գրում է․
«2023 թվականին մեծ շուքով բացվեց Մարտունու բժշկական կենտրոնը,այնուհետ կարճ ժամանակ անց պարզվեց, որ շինարարությունը անորակ է, վարչապետի մասնակցությամբ բացված բժշկական կենտրոնը բացման ենթակա չէր։ Դրա հետևանքով նույնիսկ առողջապահության նախարարության պաշտոնյաներ ազատվեցին աշխատանքից՝փոխնախարարը և ԾԻԳ-ի պետը։
Մարտունու ԲԿ-ի տնօրեն Անդրանիկ Հարությունյանը ևս ազատվեց աշխատանքից, սակայն 1-2 ժամ հետո նշանակվեց ժամանակավոր պաշտոնակատար։ Եվ ահա այսօր, 1 տավա մեջ 4-րդ անգամ կայացավ Մարտունու ԲԿ- ի մրցույթը՝ առանց հաղթողի։Եվ այսպես, 2024 թվականի դեկտեմբերի 2-ին Անդրանիկ Հարությունյանին հանձնաժողովը քվեարկությամբ 7 կողմ ձայնով չթողեց մասնակցել մրցույթին , քանի որ նա չուներ 3 տարվա մասնագիտական ստաժ։ Սակայն դա չխանգարեց Գեղարքունիքի մարզպետին Անդրանիկ Հարությունյանին նշանակել ժամանակավոր պաշտոնակատար։
Ի դեպ, ես դիմել էի ՊՎԾ, այդ նշանակման օրինականությունը պարզելու համար, սակայն առ այսօր պատասխան չկա։ Այսօր ՀՀ առողջապահության նախարարություն կողմից գործուղված հանձնաժողովի անդամները նորից փաստեցին , որ Անդրանիկ Հարությունյանը չունի մասնագիտական կամ հանրային ծառայողի 3 տարվա ստաժ, սակայն մարզպետարանի կազմը անսասան էր, և 3 դեմ 4 կողմ ձայներով Անդրանիկ Հարությունյանը մասնակցեց մրցույթին և չհաղթահարեց այն։
Եվ ահա մի քանի արձանագրում
1․ ՀՀ ԱՆ պաշտոնյաները իրենց աշխատանքում ցուցաբերեցին բարձր պրոֆեսիոնալիզմ։
2․ Գեղարքունիքի մարզպետարանում հիմք են ընդունել փաստաթղթեր, որոն իսկությունը շատ կասկածելի է և ստուգման ենթակա։
3․ ՀՀ պետական վերահսկողական ծառայությունը 3 ամիս է, չի կարողանում պատասխանել այն հարցին, արդյոք իրավաչափ էր Անդրանիկ Հարությունյանի Ժ/Պ նշանակելը թե ոչ, սակայ ՀՀ ԱՆ-ի կողմից կար հարցման պատասխան ՀՀ աշխատանքի և սոցիալական հարցերի նախարարությունից, որում բացատրված էր, որ Անդրանիկ Հարությունյանը ունի մասնագիտական ստաժի անհամապատասխանություն ։
Հ․Գ․ Կարեն Սարգսյանը վաղը նորից ժ/պ ենք ունենալու ի դեմս Անդրանիկի՞
Նիկոլ Փաշինյան
ՀՀ կառավարություն
ՀՀ պետական վերահսկողական ծառայություն
Ռոմանոս Պետրոսյան
ՀՀ գլխավոր դատախազություն»
