Եվրոպական Միության դիվանագիտության ղեկավար Կայա Կալասի խոսքով՝ Եվրամիությունը չի խստացնում Իսրայելի դեմ պատժամիջոցները՝ այս հարցում միասնականության բացակայության պատճառով։ «Մենք միասնական չենք։ Ես անընդհատ լսում եմ. «Ինչո՞ւ դուք միասնական դիրքորոշում ունեք Ռուսաստանի և Ուկրաինայի հարցում, բայց ոչ Իսրայելի հարցում»։
Պատմական պատճառներով. կան երկրներ, որոնք տարբեր տեսակետներ ունեն իրավիճակի վերաբերյալ, և միասնական դիրքորոշման հասնելը չափազանց դժվար է», - ասել է նա իռլանդական RTE հեռուստաալիքին տված հարցազրույցում։ Հարցազրույց վարողը Իռլանդիան, Իսպանիան և Սլովենիան որպես ավելի խիստ պատժամիջոցների կողմնակից երկրների օրինակներ է բերել։
Կալլասը պատասխանել է, որ այս երեք երկրները միայնակ չեն այս դիրքորոշման մեջ, և որ կան «ավելի շատ երկրներ, որոնք ավելին են պահանջում»։ Եվրոպական դիվանագիտության ղեկավարի խոսքով՝ Եվրոպական հանձնաժողովը շուտով նոր միջոցներ կառաջարկի Իսրայելի դեմ, բայց նրա կարծիքով՝ «դրանք քիչ հավանական է, որ ընդունվեն»։ Լրագրողի հարցին, թե արդյոք այս իրավիճակը թուլացնում է Եվրոպական Միությունը, պաշտոնյան նշել է, որ «դա հիասթափեցնող է»։
