Երգչուհի Ալլա Պուգաչովան փորձել է սահմանով անցկացնել անտիկվարիատներ, որոնք միասին գնահատվում են մոտ 20 միլիոն դոլար։ Արվեստի գործերի թվում կան Ռեմբրանդտի և Դա Վինչիի ժամանակակիցների կտավներ, գրում է Shot-ը։
Ըստ որոշ տեղեկությունների՝ անցյալ տարի երգչուհու այցերից մեկի ժամանակ նրա ներկայացուցիչները կազմել են հնաոճ գույքի գույքագրում՝ ներառյալ 19-րդ դարի ֆրանսիական ջահ, 19-րդ դարի մրգատուփ, 16-19-րդ դարերի քանդակներ ու նկարներ: Արժեքավոր բեռը, որը գրանցված է եղել նրա ամուսնու՝ կատակերգու Մաքսիմ Գալկինի անունով, պետք է թռչեր Շերեմետևո օդանավակայանից։ Սակայն մաքսակետում փաստաթղթերի թերի փաթեթ է ներկայացվել, ուստի դրանց տեղափոխումը մերժվել է։
Shot-ի հետ զրույցում հնավաճառներն ու կոլեկցիոներները Պուգաչովայի հավաքածուն գնահատել են 20 միլիոն դոլար, ինչպես նաև նշել են, որ գործերից շատերը հազվադեպ են և թանգարանային հետաքրքրություն են ներկայացնում։
Օրինակ՝ Լեոնարդո դա Վինչիի ժամանակակից Դոմենիկո Պուլիգոյի «Մադոննան երեխայի և երկու հրեշտակների հետ» գինն աճուրդում սկսվում է մեկ միլիոն դոլարից։
