«Ժողովուրդ» օրաթերթը գրում է.
«Անդրանիկ Քոչարյանը հերթական անգամ ստել է ու սին հույսեր է տվել անհետ կորած զինվորների ծնողներին։
Այպիսով, դեռ 2025 թվականի հունվարի 30-ին անհետ կորած զինվորների ծնողներն ԱԺ-ում հանդիպել էին բարձրաստիճան պաշտոնյաների հետ, հանդիպումը նախաձեռնել էր ԱԺ պաշտպանության և անվտանգության հարցերի մշտական հանձնաժողովը։
Ընդ որում, անհետ կորածների ծնողների մի մասին դահլիճ չէին էլ թողել, նստեցրել էին օթյակում։
Այդ ոչինչ չտվող հանդիպումից ծնողները դուրս եկան դժգոհ՝ հայտարարելով, որ որևէ նոր բան իրենց չի ասվել, Անդրանիկ Քոչարյանը խոստացել է 1 ամիս ժամկետում կրկին հանդիպում կազմակերպել ԱԺ-ում։1 ամիս ժամկետը արդեն լրացել է, իսկ խոստումը մնացել է օդում։
«Ժողովուրդ» օրաթերթի հետ զրույցում անհետ կորած զինվորի ծնող տիկին Անահիտը փոխանցեց, որ իրենց հետ կապ չեն հաստատել, ոչ մի նորություն չկա: «Շատ փնթի եւ անպատասխանատու են իշխանությունները, իրենք չպե՛տք է տուն գնային, չպե՛տք է քնեին, մինչեւ վերջ այս հարցը պետք է լուծեին:
Չգիտես ինչու՝ մեկը երկրում չէ, մյուսը առողջական խնդիր ունի…. պատրվակ են ման գալիս»,- ասաց անհետ կորածի մայրը»:
Մանրամասները՝ «Ժողովուրդ» օրաթերթի այսօրվա համարում:
