Պետք է Բաքվից պահանջել անհապաղ ազատ արձակել գերեվարված հայերին:
Այս մասին հայտարարել է Արցախի ՄԻՊ Գեղամ Ստեփանյանը՝ Ադրբեջանի Սումգայիթ քաղաքում հայերի ջարդերի զոհերի հիշատակին նվիրված ակցիայի ժամանակ։Նրա խոսքով, այն, ինչ հիմա կատարվում է, ուղղակի հետեւանք է Ադրբեջանի կողմից իրականացվող ցեղասպան քաղաքականության եւ անպատժելիության։
«Վերջնական ապացույցը Ռուբեն Վարդանյանի լուսանկարն է՝ դեմքին խոշտանգման նշաններով և պաշտպանական կողմի հայտարարությունը։ Մենք չէինք կասկածում, որ այսպիսին է իրավիճակը, բայց նոր հաստատում ստացանք։
Չի կարելի ժամանակ կորցնելու, անհրաժեշտ է մոբիլիզացնել բոլոր ջանքերը՝ արտերկրում և սփյուռքում գտնվող ընկերների և գործընկերների հետ՝ մեր բանտարկյալներին ազատելու համար», - ընդգծեց Ստեփանյանը։Նա հիշեց, որ ցանկացած մարդ կարող էր հայտնվել նրանց տեղում, և որ Բաքվում կան առնվազն մեկ տասնյակ գերիներ՝ առևանգված մարտի դաշտից, սեփական տներից կամ նույնիսկ ԿԽՄԿ-ի մեքենայից, ինչպես եղավ Վագիֆ Խաչատրյանի հետ։
