Երեկ Կառավարությունում ՀԷՑ-ի շուրջ խորհրդակցությունը շատ բուռն մթնոլորտում անցել։ Քննարկումները էլեկտրաէներգիայի մատակարարման որակի և խափանումների շուրջ այնքան է թեժացել, որ կառավարության որոշ պաշտոնյաներ անթաքույց հասկացրել են, որ վարչապետի բողոքը բողոքն ու դժգոհությունը մատուցվող ծառայությունների առումով ամենևին էլ լոկ էլեկտրաէներգիայի կոմունալ ծառայության ոլորտում չեն, ավելի բարձր մակարդակով է պետք այդ հարցը լուծել: Եվ ահա Փաշինյանը խորհրդակցության ավարտին իր սենյակ է կանչել ենթկաներից մեկին և հրահանգել, որ իր սեղանին դնեն Հանրային ծառայությոնների կարգավորող հանձնաժողովի նախագահ Գարեգին Բաղրամյանի հրաժարական դիմումը։
ԼՈՒՐԵՐ.com -ի տեղեկությամբ Բաղրամյանը սակայն հրաժարվել է հրաժարականի դիմում ներկայցնել կառավարության ղեկավարի պահանջով, թեև այդ մասին ողջ կառույցն արդեն գիտի ու ճամպրուկային տրամադրություների մեջ են։
Վարչապետի խոսնակ Նազելի Բաղդասարյանը ըստ էության չհերքեց մեր տեղեկատվությունը՝ նշելով, թե ՀԷՑ-ի քննարկումների շուրջ պաշտոնական հաղորդագրությունից ավել ոչինչ չի կարող հայտնել։ Հիշեցնենք, ավելի վաղ մամուլը տեղեկատվություն տարածեց, որ ՀՀ կառավարությունը մտադիր է Ռուսաստանաբնակ հայ գործարար-բարերարի ձեռքից խլել ՀԷՑ-ը, թեև ինքը՝ Սամվել Կարապետյանը Մայր Աթոռում անցած շաբաթ եկեղեցական արարողության ժամանակ կիսահեգնական տոնով ասել էր, որ ոչ ոք չի խլի իր ձեռքից ՀԷՑ-ը եթե մամուլը պարբերաբար գրելով դա չանի։Սոնա Հարությունյան
