ԱՄՆ-ի և Ուկրաինայի միջև հազվագյուտ մետաղների վերաբերյալ հնարավոր համաձայնությունը Ռուսաստանի վրա չի ազդում. Газета.ру-ի փոխանցմամբ՝ այս մասին ՌԴ նախագահ Վլադիմիր Պուտինը հայտարարել է լրագրող Պավել Զարուբինին տված հարցազրույցում։
«Դա մեզ չի վերաբերում։ Ես դա ընդհանրապես չեմ գնահատում։ Ես նույնիսկ չեմ ուզում մտածել այս թեմայի շուրջ։ Իհարկե, պետք է գնահատել այդ ռեսուրսները, թե որքանով է դա իրատեսական, քանիսն են այդ ռեսուրսները։ Բայց, կրկնում եմ, դա մեր գործը չէ»,- ասել է նախագահը։
Միևնույն ժամանակ Պուտինը երկուշաբթի խնդիր է դրել մինչև 2030 թվականը Ռուսաստանում ստեղծել հազվագյուտ հողային մետաղների վերամշակման ամբողջական ցիկլ։
Փետրվարի 24-ին Reuters-ը գրել էր, որ ուկրաինական հակամարտության կարգավորման Վաշինգտոնի առաջարկած մոտեցումը կարող է ռազմավարական առավելություն դառնալ Ռուսաստանի համար։ Հրատարակության համաձայն՝ ԱՄՆ-ը պնդում է խաղաղության համաձայնագիրը, որն ի սկզբանե բացառում է Ուկրաինայի և եվրոպական երկրների մասնակցությունը, ինչը դիտվում է որպես «քաղաքական նվեր» Մոսկվային։
Վերլուծաբաններն ընդգծում են, որ նման գործարքը կարող է զգալի տնտեսական օգուտներ բերել Ռուսաստանին։ Հոդվածում նշվում է, որ ռուսական տնտեսությունը, չնայած գերտաքացման նշաններին, Վաշինգտոնից «փրկարար օղակ» կստանա, ինչը կօգնի մեղմել հնարավոր անկումը։
Թարգմանությունը՝ Euromedia24.com-ի
