Նավթ արտահանող երկրների դեմ միակողմանի պատժամիջոցների սահմանումը մեծապես կապակայունացնի համաշխարհային շուկաները և կվնասի սպառողներին։ Այս մասին հայտարարել է Իրանի նավթի նախարար Մոհսեն Փաքնեջադը։
«Նավթի շուկայի ապաքաղաքականացումը չափազանց կարևոր է էներգետիկ անվտանգության համար, և միակողմանի պատժամիջոցների կիրառումը նավթ արդյունահանող խոշոր երկրների նկատմամբ և ճնշում գործադրելը ՕՊԵԿ-ի վրա ակնհայտորեն ապակայունացնում է նավթի և էներգիայի շուկաները, ինչպես նաև լուրջ վնաս է հասցնում էներգիա սպառողներին ամբողջ աշխարհում»,- ընդգծել է Փաքնեջադը ՕՊԵԿ-ի գլխավոր քարտուղար Հեյթամ ալ-Գայսի հետ հանդիպման ժամանակ:
Նավթի նախարարը նաև հայտարարել է Թեհրանի կողմից «երկրի պատմության մեջ նավթային խոշորագույն համաձայնագրերից մեկի» ստորագրման մասին, որի մանրամասները կբացահայտվեն միայն ստորագրումից հետո։ Նրա խոսքով՝ այս համաձայնագրի կնքումն արտացոլում է ինչպես շարքային իրանցիների, այնպես էլ իշխանությունների շահերը։
Ավելի վաղ ԱՄՆ առաջնորդ Դոնալդ Թրամփը հրամանագիր է ստորագրել Իրանի վրա ԱՄՆ առավելագույն ճնշումը վերականգնելու մասին։
