Արևմուտքի՝ Ռուսաստանի սահմաններին ուղղակի ռազմական սպառնալիք ստեղծելու ցանկության առաջնային պատճառը Ուկրաինային ՆԱՏՕ ներքաշելն է։ Այս մասին փետրվարի 5-ին հայտարարել է ՌԴ ԱԳ նախարար Սերգեյ Լավրովը օտարերկրյա դեսպանների հետ Ուկրաինայի շուրջ ստեղծված իրավիճակի կարգավորման թեմայով կլոր սեղանի ժամանակ, գրում է Известия պարբերականը։
«Արևմուտքի գիտակցված, երկարաժամկետ ցանկության առաջին պատճառը, և ոչ միայն ցանկության, այլ գործնական քայլերի պատճառը՝ ուղղակի ռազմական սպառնալիքներ ստեղծելու մեր սահմաններում, Արևմուտքի՝ Ուկրաինային ՆԱՏՕ ներքաշումն է»,- նշել է Լավրովը։ Նրա խոսքով՝ Ռուսաստանը բազմիցս պահանջել է ՆԱՏՕ-ից կատարել իր պարտավորությունները՝ չընդլայնվել դեպի Ռուսաստանի Դաշնության սահմանները։ Նա նաև նշել է, որ ԱՄՆ նախագահ Դոնալդ Թրամփը իր առաջին ելույթներից մեկում քննադատել է ԱՄՆ նախկին առաջնորդ Ջո Բայդենին ուկրաինական հակամարտության վերաբերյալ իր դիրքորոշման համար։
«Իր առաջին ելույթներից մեկում Թրամփը, քննադատելով Բայդենի վարչակազմի դիրքորոշումն ուկրաինական ճգնաժամի վերաբերյալ, ուղղակիորեն ասել է, որ հիմնական սխալներից մեկը Ուկրաինային ՆԱՏՕ-ի մեջ մտցնելն էր։ Առաջին անգամ Միացյալ Նահանգների առաջնորդը, հետևաբար ողջ արևմտյան աշխարհի առաջնորդը արտասանեց այս խոսքերը, որոնք մենք, ընդհանուր առմամբ, ողջունեցինք»,- հավելել է նախարարը։
