Դանիան համաձայնության է եկել ԵՄ առաջնորդների հետ, որ Գրենլանդիայի հարցը կընդգրկվի երկուշաբթի ոչ պաշտոնական գագաթնաժողովի օրակարգում։ Այս մասին Բրյուսելում տեղի ունեցած համայնքային հանդիպմանը ժամանելուն պես հայտարարել է Դանիայի վարչապետ Մետե Ֆրեդերիկսենը։
«Եվրոպայում կա շատ ուժեղ և լայն աջակցություն սահմանները հարգելու անհրաժեշտությանը, դա, իհարկե, վերաբերում է նաև Դանիայի Թագավորության սահմաններին», - ընդգծել է վարչապետը։
ԱՄՆ նախագահ Դոնալդ Թրամփը բազմիցս ասել է, որ Գրենլանդիան պետք է միանա ԱՄՆ-ին։ Նա սպառնացել է բարձր առևտրային մաքսատուրքեր սահմանել Դանիայի վրա, եթե այն չհրաժարվի կղզուց։ Թրամփն անգամ իր առաջին նախագահական ժամկետի ժամանակ առաջարկեց գնել Գրենլանդիան։ Ինչպես այն ժամանակ, Դանիայի և Գրենլանդիայի իշխանությունները մերժեցին այս գաղափարը։
