Ադրբեջանի կողմից Իրանի համար որևէ սպառնալիք չի լինի։
Այդ մասին Իրանի Իսլամական Հանրապետության նախագահի խորհրդական Մեհդի Սանայի հետ հանդիպմանը հայտարարել է Ադրբեջանի նախագահի օգնական Հիքմեթ Հաջիեւը։
Հաջիևը նաև հայտնել է Բաքվի մտադրությունը՝ զարգացնելու հարաբերությունները Թեհրանի հետ բոլոր ոլորտներում։
«Երկու երկրների հարաբերությունների առանցքային կետը վստահության ամրապնդումն է և թյուրիմացությունների վերացումը»,- նշել է նա։
Սանային արձագանքել է՝ ասելով, որ երկու երկրների հարաբերությունների մակարդակը պետք է դուրս գա զուտ դիվանագիտական ձևաչափից և տարածվի այլ պետական ու մասնավոր հատվածների վրա։
«Իրանի հիմնական նպատակն իր հարևանների, այդ թվում՝ Ադրբեջանի հետ հարաբերություններում ռազմավարական հարաբերություններ կառուցելն ու լարվածությունից խուսափելն է»,- ասել է նա։
