Հյուսիսային Կորեայի առաջնորդ Կիմ Չեն Ընը նկատողություն է արել իր շրջանի կուսակցության կոմիտեի անդամներին անբարոյական վարքագծի, այդ թվում՝ ալկոհոլ օգտագործելու համար։ Այս մասին հայտնում է Կորեայի կենտրոնական լրատվական գործակալությունը` KCNA-ն:
Նշվում է, որ Նամպո քաղաքի Օնհչոն գավառում կուսակցության անդամները «վատ էին նախապատրաստել շրջանի կուսակցության կոմիտեի լիագումար նիստը» և «հանդիպումը շատ ֆորմալ անցկացրեցին»։
Բացի այդ, շուրջ 40 կուսակցականներ, այդ թվում՝ կուսակցության կոմիտեի ղեկավարությունը, «գնացել են մշակութային և սպասարկման հաստատություն, որտեղ նրանց խմիչք են հյուրասիրել»։
