Հինգերորդ սերնդի F-35 կործանիչի արդիականացումը, որն ի սկզբանե նախատեսված էր ավարտել 2023 թվականի ապրիլին, կարող է նույնիսկ չկայանալ 2025 թվականին։ Այս մասին հայտնում է Defense One պորտալը՝ հղում կատարելով ինքնաթիռը մշակող կորպորացիային՝ Lockheed Martin-ին։
Խոսքը TR-3-ի մոդիֆիկացիայի մասին է, որը ներառում է օդանավի ծրագրային ապահովման, ինչպես նաև տարբեր սարքավորումների թարմացում։ Ինչպես հայտարարել է ընկերության ֆինանսական տնօրեն Ջեյ Մալավը, մասնագետները դեռ պետք է աշխատանք կատարեն «ամբողջությամբ համակարգի կայունությունը բարձրացնելու համար»։
Նրա խոսքով՝ ընկերությունն ակնկալում է որոշակի հաջողությունների հասնել արդեն 2025 թվականին, սակայն, ֆինանսական մոդելավորման տեսանկյունից, պատրաստվում է նախագծի ավարտին 2026 թվականին։
Կորպորացիան ավելի վաղ հայտնել էր, որ ընդհանուր առմամբ 110 F-35 կործանիչ է մատակարարել ԱՄՆ-ին և նրա դաշնակիցներին մինչև 2024 թվականը՝ «հաղթահարելով վերջին մի քանի տարիների ընթացքում ծրագրի զգալի ձգձգումները»:
