Ֆրանսիայի վարչապետ Ֆրանսուա Բայրուն կարծում է, որ ամերիկացի ձեռներեց և միլիարդատեր Իլոն Մասկը «վտանգ է ներկայացնում ժողովրդավարությունների համար»։ Այս մասին նա հայտարարել է LCI հեռուստաալիքին տված հարցազրույցում։
«Ամեն դեպքում, Մասկը վտանգ է ստեղծում ժողովրդավարությունների համար։ Ես կարծում եմ, որ փողը չպետք է իրավունք տա վերահսկելու գիտակցությունը», - ասել է Բայրուն:
Նախկինում Մասկը գերմանական Welt թերթի համար հոդվածում գրել էր, որ «Այլընտրանք Գերմանիայի համար» (AfD) կուսակցությունը Գերմանիայում միակ քաղաքական ուժն է, որն ի վիճակի է փրկել երկիրը «նախկին անձի ստվերը» դառնալուց։
Քրիստոնեա-դեմոկրատական միության (CDU) և Քրիստոնեա-սոցիալական միության (CSU) ընդդիմադիր դաշինքից Ֆրիդրիխ Մերցը հոդվածն անվանել է աննախադեպ միջամտություն Գերմանիայի ընտրություններին։
Բացի այդ, Մասկը բրիտանացիներին հորդորել է քվեարկել աջ պոպուլիստական Reform UK կուսակցության օգտին՝ ասելով, որ դա երկրի «միակ հույսն է»։
