Ռուսաստանի Անվտանգության խորհրդի փոխնախագահ, «Եդինայա Ռոսիա» կուսակցության նախագահ Դմիտրի Մեդվեդևը շնորհավորել է Ալեքսանդր Լուկաշենկոյին Բելառուսի նախագահի պաշտոնում վերընտրվելու կապակցությամբ։
«Հարգելի Ալեքսանդր Գրիգորիևիչ, ընդունեք իմ անկեղծ շնորհավորանքները Բելառուսի Հանրապետության նախագահական ընտրություններում Ձեր համոզիչ հաղթանակի կապակցությամբ 7-րդ անգամ անընդմեջ Ձեզ վստահում են բարձրագույն պետական պաշտոնը, ինչը վկայում է լայն ժողովրդական աջակցություն ձեր ներքին և արտաքին քաղաքական կուրսին»,- ասվում է Մեդվեդևի շնորհավորանքում, որը հրապարակվել է VKontakte-ի նրա էջում:
ՌԴ Անվտանգության խորհրդի փոխնախագահը վստահություն է հայտնել, որ Լուկաշենկոյի աշխատանքը որպես նախագահ «կշարունակի ամեն կերպ նպաստել Ռուսաստանի և Բելառուսի ժողովուրդների միջև բարեկամության և բազմազան համագործակցության ամրապնդմանը, ինչպես նաև Միության ներսում ինտեգրման առաջանցիկ խորացմանը»:
