Կանադան Եվրամիության երկրների, Մեծ Բրիտանիայի և Մեքսիկայի հետ քննարկում է, թե ինչպես համատեղ համոզել ԱՄՆ նախագահ Դոնալդ Թրամփին հրաժարվել այդ երկրներից ապրանքների ներմուծման մաքսատուրքեր սահմանելու գաղափարից։ Այս մասին հայտարարել է երկրի արտգործնախարար Մելանի Ջոլին, նրա խոսքերը մեջբերել է The Globe and Mail թերթը։ Մենք պետք է չափազանց պրագմատիկ լինենք եվրոպացիների հետ աշխատելիս»,- լրագրողներին ասել է նա։
Նա նշել է, որ ԵՄ երկրների և Մեծ Բրիտանիայի մայրաքաղաքներում ներկայումս քննարկվում են տուրքեր մտցնելու Թրամփի սպառնալիքներին արձագանքելու տարբեր տարբերակներ։ Օտտավան մտադիր է ծանոթանալ ԱՄՆ նախագահի մաքսային քաղաքականության վերաբերյալ դաշնակիցների մոտեցումներին եւ միավորել նրանց ուժերը Վաշինգտոնի վրա ճնշում գործադրելու համար։
Պարբերականը հիշեցնում է, որ այս շաբաթ Ջոլին նույնպես կմեկնի ԱՄՆ՝ հանդիպելու իր ամերիկացի գործընկեր Մարկո Ռուբիոյի հետ։
