Լոս Անջելեսի շրջանի ոստիկանությունը երեք հոգու է ձերբակալել, որոնք կասկածվում են հրկիզման մեջ, քանի որ ԱՄՆ Կալիֆորնիա նահանգում արդեն երկրորդ շաբաթն է՝ հրդեհներ են մոլեգնում, հայտնել է շրջանի ոստիկանապետ Ջիմ Մակդոնելը:
«Կիրակի գիշերը Հյուսիսային Հոլիվուդում մեր սպաներն արձագանքել են հրկիզման հնարավոր կասկածյալին, որն օգտագործել է կրակայրիչ՝ կրակ բռնկելու համար։ Երկուշաբթի օրը եւս երկու ձերբակալություն է կատարվել», - ասել է Մակդոնելը մամուլի ասուլիսում։
Հունվարի 7-ին Լոս Անջելեսի օկրուգում սկսված անտառային հրդեհները համարվում են նահանգի պատմության մեջ ամենամեծը։ Իշխանությունների տվյալներով՝ հրդեհների ընդհանուր մակերեսը գերազանցել է 16 հազար հեկտարը:
Առնվազն 24 մարդ զոհվել է, ավելի քան 12,300 շենք, այդ թվում՝ հայտնիների տներ, ավերվել են։ Օդերեւութաբանները նշում են, որ չոր ու քամոտ եղանակը հրդեհի արագ տարածման պատճառ է դարձել։
