Ակտաուում մարդատար ինքնաթիռի կործանումը հետաքննող հանձնաժողովի անդամները մոտ օրերս Աստանա կժամանեն կործանված ավիաուղիներից հայտնաբերված սև արկղերից վերծանված նյութերով։ Այս մասին հայտնում է Ղազախստանի տրանսպորտի նախարարությունը Telegram-ի պաշտոնական ալիքում։ «Ժամանելուց հետո փորձագետները անմիջապես կսկսեն ուսումնասիրել նշված թռիչքի ձայնագրիչներից վերծանված տվյալները», - ասվում է գերատեսչությունում:Վթարի ենթարկված ինքնաթիռի սև արկղերն ուղարկվել են Բրազիլիա։
Ղազախստանի նախագահ Կասիմ-Ժոմարտ Տոկաևը, մեկնաբանելով իրավիճակը, ասել է, որ նման որոշում է կայացվել հետաքննության օբյեկտիվությունն ապահովելու համար։ Ադրբեջանական ավիաուղիներին պատկանող Embraer մարդատար ինքնաթիռի վթարը տեղի է ունեցել դեկտեմբերի 25-ի առավոտյան՝ Ղազախստանի Ակտաու քաղաքում։
Բաքվից Գրոզնի թռչող ինքնաթիռը կործանվել է տեղի օդանավակայանի տարածքում։ Վթարից քիչ առաջ ինքնաթիռի անձնակազմը վթարային վայրէջք է խնդրել։Ղազախստանի արտակարգ իրավիճակների նախարարության տվյալներով՝ ինքնաթիռում, ընդհանուր առմամբ, եղել է 69 մարդ։ Նրանցից 29 մարդ ողջ է մնացել։
