Ուկրաինայի և Ռուսաստանի հարցերով Միացյալ Նահանգների նոր հատուկ բանագնաց Քիթ Քելլոգը հետաձգել է իր այցը Ուկրաինա մինչև նորընտիր նախագահ Դոնալդ Թրամփի երդմնակալության արարողությունը։ Այս մասին գրում է Reuters-ը։
«Ուկրաինայում Թրամփի նոր հատուկ ներկայացուցիչը հետաձգել է փաստահավաք այցը Կիև և այլ եվրոպական մայրաքաղաքներ մինչև հունվարի 20-ին Թրամփի երդմնակալության արարողությունը», - ասվում է գործակալության հաղորդագրության մեջ:
Նշվում է, որ Ուկրաինայի և Ռուսաստանի հարցերով Թրամփի ապագա հատուկ ներկայացուցիչ Քելլոգը ի սկզբանե ծրագրել էր մեկնել Կիև՝ հունվարի սկզբին հանդիպելու Ուկրաինայի առաջնորդների հետ:Սակայն անհայտ պատճառներով ուղեւորությունը հետաձգվել է, Reuters-ին հայտնել են աղբյուրները։
