ՌԴ ՔԿ նախագահ Ալեքսանդր Բաստրիկինը հեռախոսազրույց է ունեցել Ադրբեջանի գլխավոր դատախազ Քյամրան Ալիևի հետ, հայտնում է ՌԴ ՔԿ-ն տելեգրամյան ալիքում, հաղորդում է ՌԻԱ Նովոստին։
«Այսօր Ռուսաստանի Դաշնության Քննչական կոմիտեի նախագահ Ալեքսանդր Իվանովիչ Բաստրիկինը հեռախոսազրույց է ունեցել Ադրբեջանի Հանրապետության գլխավոր դատախազ Քյամրան Բայրամ օղլու Ալիևի հետ»,- ասվում է գերատեսչության հաղորդագրությունում։
Հաղորդվում է, որ գերատեսչությունների ղեկավարները քննարկել են Ղազախստանի Հանրապետության Ակտաու քաղաքի մոտ «Ադրբեջանական ավիաուղիներ»-ի ինքնաթիռի կործանման հանգամանքների հետաքննության ընթացքը։
Բացի այդ, ՌԴ Քննչական կոմիտեի նախագահը հավաստիացրել է Ադրբեջանի գլխավոր դատախազին, որ Ակտաուում տեղի ունեցած ավիավթարի հետաքննությանը ներգրավված են Քննչական կոմիտեի կենտրոնական ապարատի փորձառու աշխատակիցներ։
Նա նաև նշել է, որ կատարվում է քննչական գործողություններ, որոնց նպատակն է պարզել ողբերգության բոլոր պատճառներն ու հանգամանքները։
