Կորեայի Հանրապետությունը պատժամիջոցներ է սահմանում ԿԺԴՀ ՏՏ ոլորտի հետ կապված 15 անձի և 1 կազմակերպության նկատմամբ։ Այս մասին հայտնում է Կորեայի Հանրապետության արտաքին գործերի նախարարությունը։
Նրա կարծիքով, Փհենյանի «ապօրինի գործունեությունը» կիբերտարածությունում «ներկայացնում է ոչ միայն հանցագործություններ, որոնք սպառնում են կիբերտարածության էկոհամակարգի անվտանգությանը, այլ նաև օգտագործվում են որպես հրթիռների և միջուկային զարգացման ֆինանսավորման միջոց» և, հետևաբար, «վտանգ են ներկայացնում միջազգային խաղաղության և անվտանգության համար»:
Ըստ հարավկորեական կողմի՝ հյուսիսկորեացի տեղեկատվական տեխնոլոգիաների մասնագետները մեկնում են արտագնա աշխատանքի՝ ներառյալ Չինաստանը, Հարավարևելյան Ասիայի երկրները և Ռուսաստանը, որտեղ, «թաքցնելով իրենց ինքնությունը», ընդունում են պատվերներ ընկերություններից ամբողջ աշխարհից։ Ավելին, նրանցից ոմանք, ըստ հաղորդման, մասնակցում են կիբերհարձակումների։
