Բանգլադեշի ժամանակավոր կառավարությունը քննարկում է Չինաստանից J-10C կործանիչների արտահանման տարբերակը գնելու հարցը՝ ազգային օդուժը արդիականացնելու նպատակով։ Այս մասին հայտնում է South China Morning Post-ը։
Բանգլադեշի կողմից չինական կործանիչների հնարավոր գնումը կարող է լարել նրա հարաբերությունները հարևան Հնդկաստանի հետ և զգալի ծախսեր առաջացնել՝ հաշվի առնելով Բանգլադեշի տնտեսության բարդ իրավիճակը, նշում է հրատարակությունը։
Ներկայումս Բանգլադեշը Չինաստանից զենքի երկրորդ գնորդն է Պակիստանից հետո, որն առաջին երկիրն էր, որը գնեց չինական J-10C 4.5 սերնդի բազմաֆունկցիոնալ կործանիչներ:
J-10CE Vigorous Dragon կործանիչը 4,5 սերնդի բազմաֆունկցիոնալ մարտական ինքնաթիռ է, որը նախատեսված է օդային գերազանցություն ձեռք բերելու և ցամաքային թիրախները խոցելու համար։
