Ֆրանսիայի նոր վարչապետ Ֆրանսուա Բայրուն սպառնացել է նախագահ Էմանուել Մակրոնին, որ կզրկի նրա խմբակցությանը խորհրդարանում կենտրոնամետների աջակցությունից, եթե ինքը չնշանակվի նախարարների կաբինետի ղեկավարի պաշտոնում։
Այս մասին քաղաքական գործիչն ասել է Tribune Dimanche-ին տված հարցազրույցում, փոխանցում է Gazeta.ru–ն։
«Եթե ես չլինեմ, դա կլինի առանց ինձ»,- ասել է վարչապետը։
Բայրուն համոզված է, որ «ինքը չէր նշանակվի, եթե իրավիճակն անհուսալի չլիներ»։
Վարչապետը պնդում է, որ Մակրոնը կարող էր այդ պաշտոնում նշանակել Ֆրանսիայի պաշտպանության նախարար Սեբաստիան Լեկորնյուին։ Սակայն Ելիսեյան պալատում բանակցություններից հետո Ֆրանսիայի նախագահը զանգահարել է պաշտպանության նախարարության ղեկավարին և հայտնել, որ այդ պաշտոնը կտրվի Բայրուին։
Բայրուն Ֆրանսիայի վարչապետ է նշանակվել դեկտեմբերի 13-ին։
Նա 73 տարեկան է։ Քաղաքական գործիչը գլխավորում է «Ժողովրդավարական շարժում» (Modem) կուսակցությունը։
