ՌԴ նախագահ Վլադիմիր Պուտինը ստորագրել է Ռուսաստանի Դաշնության 2025 թվականի դաշնային բյուջեի և 2026-2027 թվականների պլանավորման ժամանակաշրջանի մասին օրենքը, հայտնում են Կրեմլի կայքից։
2025 թվականին եկամուտները կհամապատասխանեն 40,3 տրիլիոն ռուբլու կամ ՀՆԱ-ի 18,8%-ին, իսկ ծախսերը կհասնեն 41,47 տրլն ռուբլու կամ ՀՆԱ-ի 19,3%-ին։ Ակնկալվում է, որ դեֆիցիտը կկազմի 1,17 տրլն ռուբ։
Ներքին պետական պարտքի վերին շեմը 2026 թվականի սկզբին սահմանվել է 29,38 տրլն ռուբլի, արտաքինը՝ 61,1 միլիարդ դոլար կամ 55,5 միլիարդ եվրո։ Պետական պարտքի սպասարկման ծախսերը 2025 թվականին ակնկալվում է 3,18 տրիլիոն ռուբլի, 2026 թվականին՝ 3,475 տրիլիոն ռուբլի, 2027 թվականին՝ 3,59 տրլն ռուբլի։
Ֆինանսների նախարար Անտոն Սիլուանովը, Պետդումայում ներկայացնելով բյուջեի նախագիծը, նշել է, որ ըստ դրա 2025 թվականին ապահովագրական կենսաթոշակի միջին չափը կկազմի մոտ 24000 ռուբլի, կենսաթոշակային վճարումները հաջորդ տարվա հունվարից ինդեքսավորվելու են գնաճի մակարդակին։ Նաև առաջիկա երեք տարիների համար մոտ 10 տրիլիոն ռուբլի է տրամադրվում երեխա ունեցող ընտանիքներին աջակցելու համար։
Վարչապետ Միխայիլ Միշուստինը հայտարարել է, որ առաջիկա երեք տարիների բյուջեի առաջնահերթությունը լինելու է քաղաքացիների հանդեպ պետության սոցիալական պարտավորությունների կատարումը։
