Իրանի նախագահ Մասուդ Փեզեշքիանը կիրակի օրը կոչ է արել իսլամական պետություններին աջակցել Սիրիայում իրավիճակի կարգավորմանը, հայտնում է IRNA-ն:
Նախագահն ընդգծել է, որ Իրանը չի ցանկանում ռազմական գործողություններ և չի ցանկանում վերանայել սահմանները իր հարևանների հետ։ Բացի այդ, նա հիշեցրել է դիվանագիտության հաջողությունները տարածաշրջանի այլ երկրների հետ Իրանի հարաբերություններում։
«Օրինակ, առաջին անգամ տարածաշրջանի բոլոր երկրները դատապարտեցին Իսրայելի ագրեսիան Իրանի դեմ, և ես գովաբանում եմ մեր հարևաններին իրենց ճիշտ դիրքորոշման համար»,- նշել է Փեզեշքիանը՝ անդրադառնալով հոկտեմբերի 26-ին Իսրայելի կողմից Իրանին հասցված հարվածներին։
Այս շաբաթ հակակառավարական ուժերը հարձակում են սկսել Իդլիբ և Հալեպ նահանգներում: Նրանց հաջողվել է արագ վերահսկողության տակ առնել մի շարք բնակավայրեր։ Ապստամբների հրամանատարությունը պնդում է, որ վերահսկում է, մասնավորապես, Հալեպ քաղաքի զգալի մասը, այդ թվում՝ կենտրոնական թաղամասերը։ Քաղաքի օդանավակայանը փակ է։
Իրենց հերթին սիրիական լրատվամիջոցները հաղորդում են, որ սիրիական զորքերը ամրապնդել են պաշտպանական գծերը Համա նահանգում և այլ շրջաններում: Ավիահարվածներ են իրականացվում հակակառավարական խմբավորումների դեմ։
