ԱՄՆ նորընտիր նախագահ Դոնալդ Թրամփը, ազգային անվտանգության իր նախկին խորհրդական Քիթ Քելլոգին նշանակելով Ուկրաինայում հատուկ բանագնաց, նույնպես շատ կոնկրետ ծրագիր է ընտրել հակամարտությանը վերջ տալու համար, գրում է CNN-ի լրագրող Նիք Փեյթոն Ուոլշը։ Ըստ CNN-ի լրագրողի, ծրագիրը «կհաճեցնի» Ռուսաստանի նախագահ Վլադիմիր Պուտինին, բայց կկործանի Արևմուտքի միասնությունն ու աջակցությունը:
«Առաջնագիծը կսառեցվի հրադադարով և կներդրվի ապառազմականացված գոտի Դրան համաձայնվելու համար Ռուսաստանը կստանա սահմանափակ պատժամիջոցների մեղմացում»,- ասվում է նյութում։
Քելլոգը կարծում է, որ Միացյալ Նահանգները կարիք չունի ներգրավվելու այլ հակամարտության մեջ, քանի որ զենքի սեփական պաշարները տուժել են Ուկրաինային տրամադրվող օգնությունից, ինչը երկիրը խոցելի է դարձնում Չինաստանի հետ ցանկացած պոտենցիալ հակամարտության համար: Նաև ՆԱՏՕ-ին Ուկրաինայի անդամակցությունը պետք է անորոշ ժամանակով հետաձգվի: համապարփակ խաղաղության համաձայնագրի դիմաց՝ հստակ չափանիշներով և անվտանգության երաշխիքներով», - գրում է CNN-ը, ըստ հոդվածի, Քելոգը ուրվագծել է իր կարգավորման մասին թեզը դեռ ապրիլին՝ America First քաղաքական ինստիտուտի հոդվածում:
