Սիրիայում իսլամիստական խմբավորումները, այդ թվում՝ թուրքամետ ահաբեկչական «Հայաթ Թահրիր ալ-Շամը» և այլք, լայնածավալ հարձակում են իրականացրել նախագահ Բաշար Ասադի և նրա դաշնակից իրանամետ խմբավորումների կողմից վերահսկվող սիրիական բանակի դիրքերի վրա, հայտնում է Ekhokavkaza։
Բախումների ընթացքում ջիհադիստները գրավել են մի քանի բնակավայրեր, ինչպես նաև կառավարական բանակի ռազմավարական կարևոր հենակետերից մեկը։ Ի պատասխան գրոհների՝ սիրիական բանակը ռուս զինվորականների հետ միասին հարվածներ է հասցրել զինված խմբավորումների դիրքերին։ Վերջին տվյալներով՝ Անադանին մոտենում են զինված ուժերը։ Այս քաղաքը համարվում է Ասադի զորքերի պաշտպանական գծի կարևոր հանգույց։ Այն գրավելուց հետո ջիհադիստները կկարողանան գրավել Հրայտան և Քաֆր Համախ բնակավայրերը։
Դա նրանց թույլ կտա առաջ շարժվել դեպի Հալեպի հյուսիս-արևմուտք։ Այն, ինչ տեղի է ունենում, կարող է դառնալ Սիրիայում վերջին տարիների քաղաքացիական պատերազմի ամենանշանակալից սրացումներից մեկը։
«Հայաթ Թահրիր ալ-Շամը» սուննի ջիհադական խմբավորումների կոալիցիա է, որը կռվում է Ասադի ռեժիմի դեմ: Խումբը ստեղծվել է 2017 թվականին՝ «Ալ-Քաիդա» ահաբեկչական կազմակերպության տեղական մասնաճյուղի հիման վրա։ Այժմ կոալիցիան հերքում է «Ալ-Քաիդայի» հետ որևէ կապ:
