«Կարծում եմ, որ այսօր մենք բոլորս արթնացանք միանգամայն նոր իրականության մեջ, մենք լսեցինք պարոն Կոբախիձեի (Վրաստանի վարչապետ Իրակլի Կոբախիձե-Խմբ.) հայտարարությունը, որ Վրաստանը շահագրգռված չէ ինտեգրվել ԵՄ-ին առաջիկա 4 տարիների ընթացքում չափազանց տխուր է»,- ասել է Վրաստանում Եվրամիության դեսպան Պավել Գերչինսկին՝ մեկնաբանելով Վրաստանի նոր կառավարության ղեկավար Իրակլի Կոբախիձեի՝ նախօրեին ճեպազրույցի ընթացքում Վրացական երազանքի Թբիլիսիի կենտրոնական գրասենյակում.
Գերչինսկու խոսքերը մեջբերել են վրացական և միջազգային լրատվամիջոցները ուրբաթ օրը՝ նոյեմբերի 29-ին. «Ես հպարտ էի, որ Եվրամիությունը բացեց իր դռները Վրաստանի առաջ, մենք Վրաստանին շնորհեցինք ԵՄ թեկնածու երկրի կարգավիճակ, և այն, ինչ տեղի ունեցավ երեկ, ակնհայտորեն հակասում է ԵՄ քաղաքականությանը։ Այն հակասում է Վրաստանի նախորդ կառավարությունների որոշումներին և Վրաստանի բնակչության ճնշող մեծամասնության ցանկություններին»,- ասել է ԵՄ դեսպանը։ Միաժամանակ նա ընդգծել է, որ Վրաստանը անկախ, ինքնիշխան երկիր է, «և Վրաստանը պետք է որոշի, թե արդյոք նա ցանկանում է գնալ եվրաինտեգրման ճանապարհով»։
