Facebook-ի հիմնադիր և Meta-ի գործադիր տնօրեն Մարկ Ցուկերբերգը ընթրիքի ժամանակ հանդիպել է ԱՄՆ նորընտիր նախագահ Դոնալդ Թրամփին Ֆլորիդայի Փալմ Բիչ քաղաքում գտնվող նրա նստավայրում։ Այս մասին չորեքշաբթի՝ նոյեմբերի 27-ի երեկոյան, հայտնել է Fox News հեռուստաալիքը՝ վկայակոչելով Թրամփի խորհրդական Սթիվեն Միլլերին (Stephen Miller) ։ Միլլերի խոսքով՝ Ցուկերբերգն իր պատրաստակամությունն է հայտնել աջակցելու այն բարեփոխումներին, որոնք ցանկանում է իրականացնել Դոնալդ Թրամփը։
«Մարկ Ցուկերբերգը հասկացրել է, որ ցանկանում է լինել այս փոփոխության ջատագովը և մի մասը, որը մենք տեսնում ենք ամբողջ Ամերիկայում և ամբողջ աշխարհում», - ասել է նախագահի խորհրդականը Թրամփի համար բարեկամական The Ingraham Angle ցանցում: Միլլերը նաև հավելել է, որ Ցուկերբերգն «ունի իր շահերը», սակայն Թրամփի երկրորդ ժամկետը տեսնում է որպես «ազգային նորացման» հնարավորություն։ Meta-ի խոսնակը հաստատել է հանդիպումը CBS News-ին տված մեկնաբանությունում՝ նշելով, որ Ցուկերբերգը գնահատել է Թրամփի հրավերը և «իր թիմի անդամների հետ շփվելու հնարավորությունը»։
