Եվրոպային սպասվում է Ուկրաինայում ռուսական հատուկ գործողության մեկնարկից ի վեր ամենացուրտ ձմեռը, որը կհանգեցնի էներգակիրների գների բարձրացմանը։ Այս մասին գրում է Bloomberg-ը։
«Եվրոպան պատրաստվում է իր ամենացուրտ ձմռանը Ուկրաինա Ռուսաստանի ներխուժումից հետո, ինչը կբարձրացնի էներգակիրների գները, քանի որ մայրցամաքը սպառում է իր գազի պաշարները սովորականից ավելի արագ»,-ասվում է զեկույցում:
Եղանակի կանխատեսումների եվրոպական կենտրոնի տվյալներով՝ առաջիկա ձմռանը միջին ջերմաստիճանը կլինի ամենացածրը վերջին երեք տարվա ընթացքում, ինչը կբարձրացնի ջեռուցման պահանջարկը: Դա կարող է համընկնել նաև հունվարի 1-ից Ուկրաինայի տարածքով գազի մատակարարումների դադարեցման հետ։
Նշվում է, որ Եվրոպան այս ամիս սովորականից ավելի արագ է օգտագործում գազը պահեստից, ինչը մտահոգություն է առաջացնում ուշ ձմռան մատակարարումների և հաջորդ ամառային համալրման սեզոնի վերաբերյալ:
