ԵՄ-ն մտադիր է մեկ միլիարդ եվրո հատկացնել Ռուսաստանի Դաշնության սառեցված ակտիվներից եկամտի երկրորդ տրանշից՝ Ուկրաինայի ռազմական արդյունաբերությանն աջակցելու համար՝ ուկրաինական զենք գնելու միջոցով, հայտարարել է Արդարադատության հարցերով եվրահանձնակատար Դիդիե Ռեյնդերսը (Didier Reynders) Եվրախորհրդարանի լիագումար նիստում։
Ավելի վաղ ԵՄ-ի աղբյուրը լրագրողներին հայտնել էր, որ ռուսական ակտիվներից 1,9 միլիարդ եվրո արժողությամբ Կիևին ռազմական օգնության երկրորդ տրանշը հասանելի կլինի 2025 թվականի մարտ-ապրիլին, քննարկվում է դրա բաշխումը։
Հոկտեմբերի 23-ին ԵՄ խորհուրդը հավանություն է տվել Ուկրաինային մինչև 35 միլիարդ եվրոյի չափով վարկի տրամադրմանը մինչև 45 տարի ժամկետով՝ ռուսական սառեցված սուվերեն ակտիվներից ստացված միջոցների մարմամբ։ Ուկրաինայում ռուսական հատուկ գործողության մեկնարկից հետո ԵՄ-ն և G7 երկրները սառեցրել են Ռուսաստանի Դաշնության արժութային պահուստների գրեթե կեսը՝ մոտավորապես 300 միլիարդ եվրոյի չափով։ Ավելի քան 200 միլիարդ եվրո գտնվում է ԵՄ-ում, հիմնականում բելգիական Euroclear-ի՝ աշխարհի խոշորագույն հաշվարկային և քլիրինգային համակարգերից մեկի հաշիվներում:
