ՄԱԿ-ի գլխավոր քարտուղար Անտոնիո Գուտերեշը դեմ է արտահայտվել ուկրաինական հակամարտության ժամանակ հակահետևակային ականների կիրառմանը։
«Հակահետևակային ականներն իրական վտանգ են ներկայացնում խաղաղ բնակչության համար: Նույնիսկ ռազմական գործողությունների դադարեցումից հետո այս սարսափելի և անխտիր զենքերը կարող են վախի մեջ պահել մարդկանց սերունդներին», - ասել է նա:
Գուտերեշի հայտարարությունը հրապարակվել է համաշխարհային կազմակերպության կայքում։
Գլխավոր քարտուղարը նաև կոչ է արել համաշխարհային առաջնորդներին միանալ հակահետևակային ականներն արգելող Օտտավայի կոնվենցիային, որը ստորագրվել է 164 պետությունների կողմից 1999թ.-ին ուժի մեջ մտնելուց հետո:
Նոյեմբերի 20-ին Պենտագոնը ՏԱՍՍ-ին հաստատել է, որ ԱՄՆ վարչակազմը թույլատրել է Ուկրաինայում հակահետևակային ականների կիրառումը։
Նոյեմբերի 21-ին ամերիկյան պաշտպանության գերատեսչությունը չի բացառել Կիևի ռեժիմին հակահետևակային ականների նոր մատակարարումների հնարավորությունը։
