Կան Արցախի հանրապետության քաղաքացիներ, որոնք ունեին կենսաթոշակային խնայողություններ, սակայն իշխանությունը խլել է նրանցից։
Այս մասին այսօր ԱԺ-ում լրագրողների հետ զրույցում ասաց «Հայաստան» խմբակցության պատգամավոր Արթուր Խաչատրյանը։
«Պատերազմից, հայաթափումից, էթնիկ զտումից հետո մարդկանց մոտ ծանր սոցիալ-տնտեսական խնդիրներ են։
Մարդկանց մեծամասնության հույսը այդ խնայողություններն են, դա առաջինը։ Երկրորդը՝ արցախցիների գումարը ինչու հանկարծ իշխանությունները որոշեցին խլել և օգտագործել ըստ իրենք հայեցողության։
Եթե իրենք Արցախի հանրապետության քաղաքացիներին ավտոմատ բերում են ՀՀ քաղաքացու իրավական ռեժիմի, այդ դեպքում ինչո՞ւ բոլոր հարցերում այդքան հետևողական չեն, թող բոլորին առաջարկեին ՀՀ քաղաքացիություն և ասեին՝ ով չի ուզում կարող է հրաժարվել։
Մարդու խնայողությունները իր ձեռքից խլում են, ասում են՝ դնում ենք էսինչ հաշիվների վրա»,- նշեց պատգամավորը։
Ըստ Խաչատրյանի՝ արցախցիների գումարը, առանց նրա համաձայնությունը հայցելու տալիս են կենսաթոշակային հիմնադրամին, որն էլ ներդրում է անում։
