Ամերիկացի ձեռնարկատեր Իլոն Մասկը, այն բանից հետո, երբ ԱՄՆ նորընտիր նախագահ Դոնալդ Թրամփը հայտարարեց, որ ինքը և Վիվեկ Ռամասվամին կգլխավորեն Կառավարության արդյունավետության նոր դեպարտամենտը, խոստացավ ստեղծել և հրապարակել ամերիկացիների ամենախենթ հարկային ծախսերի վարկանիշը։ Այս մասին նա հայտնել է սոցիալական ցանցի իր X էջում։
«Երբ հասարակությունը կարծում է, որ մենք կրճատում ենք ինչ-որ կարևոր բան կամ չենք կրճատում ինչ-որ անհարկի, պարզապես տեղեկացրեք մեզ»: Նրա խոսքով՝ այս վարկանիշը լինելու է և՛ ծայրահեղ ողբերգական, և՛ չափազանց ծիծաղելի։ Ավելի վաղ Թրամփը հայտարարել էր, որ Մասկը և Ռամասվամին կղեկավարեն ԱՄՆ Կառավարության արդյունավետության նոր դեպարտամենտը (DOGE)՝ ճանապարհ հարթելու պետական բյուրոկրատիայի ապամոնտաժման, վատնվող ծախսերի կրճատման և դաշնային գործակալությունների վերակառուցման համար: Բաժանմունքի անունը հղում է կրիպտոարժույթին, որի կողմնակիցն է Մասկը:
