Կատարի իշխանությունները դասեր են քաղել Իրանի կողմից Ռաս Լաֆանի հյուսիսային քաղաքում գտնվող արդյունաբերական համալիրի վրա մարտ ամսին հասցված հարվածներից և մտադիր են ապահովել իրենց բոլոր ակտիվների պաշտպանությունը անակնկալ հարձակումներից, ըստ էմիրության փոխվարչապետ և պաշտպանության հարցերով պետական նախարար շեյխ Սաուդ բին Աբդուլռահման ալ Թանիի։
«Մենք զարմացած էինք», - կատարյան «Ալ Ջազիրա» հեռուստաալիքը մեջբերել է փոխվարչապետի խոսքերը Դոհայում կայացած Գլոբալ անվտանգության ֆորումում՝ հարձակման վերաբերյալ հարցին ի պատասխան։
Նա ընդգծել է, որ միջադեպից հետո Կատարը «բազմաթիվ քննարկումներ է անցկացրել Իրանի հետ»։ Սաուդ բին Աբդուլռահման ալ Թանին ընդգծել է, որ էմիրությունը միջադեպից դասեր է քաղել՝ «ապահովելու համար, որ բոլոր ակտիվները պաշտպանված լինեն ցանկացած անակնկալ հարձակումից»։ Հեռուստաալիքի տվյալներով՝ իրանական հարվածները վնաս են հասցրել Ռաս Լաֆանի ենթակառուցվածքներին, որոնց վերականգնումը տարիներ կպահանջի։
