Ֆինլանդիայի նախագահ Ալեքսանդր Ստուբը հաստատել է ամերիկյան զենքի մատակարարումների ուշացումները՝ Մերձավոր Արևելքում ստեղծված իրավիճակի պատճառով։
Ավելի վաղ Reuters-ը, հղում անելով աղբյուրներին, հաղորդել էր, որ ԱՄՆ-ն տեղեկացրել է եվրոպական երկրներին զենքի մատակարարումների հնարավոր ուշացումների մասին՝ Իրանի հետ հակամարտության պայմաններում ռազմական կարիքները առաջնահերթ համարելու անհրաժեշտության պատճառով։
«Մենք անընդհատ քննարկում ենք պաշտպանական սարքավորումների մատակարարումը։ Գաղտնիք չէ, որ որոշ մատակարարումներ կամ շեղվում են, կամ ուշանում», – ասել է Ստուբը Հելսինկիում Էստոնիայի նախագահ Ալար Կարիսի հետ մամուլի ասուլիսի ժամանակ։
Ֆինլանդիայի նախագահը չի նշել, թե որ զենքերին է դա վերաբերում, բայց ասել է, որ չի տեսնում որևէ պատճառ, որ Ֆինլանդիան մտահոգվի մատակարարումների ուշացումների համար։
