ԲՀԿ անդամ, քաղաքագետ Արման Աբովյանը ֆեյսբուքում հրապարակում է կատարել՝«Ընդամենը երկու նորություն, որոնք ցույց են տալիս իրականության ընկալման տարբերությունը նրանց միջև, ովքեր մնացել են մարդ, և նրանց, ովքեր՝ ոչ։1․ Օկուպացված Ստեփանակերտում ադրբեջանական օկուպացիոն ուժերը հողին են հավասարեցրել Սուրբ Աստվածածնի մայր տաճարը։ Հայկական քրիստոնեական ժառանգության ոչնչացումը ուղիղ կապվել է 1915 թվականի Հայոց ցեղասպանության տարելիցի հետ։2․ Ադրբեջանը Հայաստան է ուղարկել դիզելային վառելիքի հերթական խմբաքանակը։Այսպիսով, պետք է հասկանալ՝ այն մարդիկ, որոնց համար Հայաստանին վառելիքի «մեծահոգի» ադրբեջանական մատակարարումը խաղաղության նշան է, իսկ Ստեփանակերտի Մայր տաճարի ոչնչացումը չի դիտվում որպես մոտալուտ աղետի նախանշան, հենց այդ մարդիկ, անկախ իրենց քաղաքական նախասիրություններից, կամա ակամա հակահայկական «հինգերորդ շարասյուն» են դառնում, որոնք պատրաստ են մեր երեխաների կյանքը փոխանակել մի «վեդրո» սալյարկի հետ։Պարզապես հետևեք ոմանց արձագանքներին և արեք ձեր եզրակացությունները։Իշխանությունների մասին արդեն բան չունեմ ասելու, իրենց մասով ամեն ինչ պարզից էլ պարզ է»,- գրել է նա։
«Մեծահոգի» ադրբեջանական մատակարարումը խաղաղության նշան է, իսկ Ստեփանակերտի Մայր տաճարի ոչնչացումը չի դիտվում որպես մոտալուտ աղետի նախանշան․ Արման Աբովյան
21.04.2026 23:17 |
Կատեգորիա
Մամուլ
