«Gallup International Association»-ի Հայաստանում լիիրավ անդամ՝ Էմ Փի ՋԻ ՍՊԸ տնօրեն Արամ Նավասարդյանը ներկայացրել է հարցման արդյունքներ, եթե առաջիկա կիրակի օրը լինեն խորհրդարանական ընտրություններ, ո՞ր կուսակցության օգտին կքվեարկեին: Հարցվածների 24,3 տոկոսը նշել են «Քաղաքացիական պայմանագիր» կուսակցություն, ըստ Նավասարդյանի՝ սա մի փոքր դրական աճ է: 13,4 տոկոսը նշել է «Ուժեղ Հայաստան» կուսակցություն՝ ևս գրանցել է դրական աճ:
7,9 տոկոսը նշել է «Բարգավաճ Հայաստան» կուսակցություն, «Հայաստան» դաշինքին քվեարկել է 5,5 տոկոսը, որը ևս դրական աճ է՝ վերջին 2-3 ամսվա ընթացքում իրականացած փակ հարցումների համեմատական տվյալներով: «ԴՕԿ» կուսակցությանը 3,1 տոկոս է քվեարկել, «Հայաստանի Հանրապետական կուսակցությանը»՝ 1,9 տոկոսը, «Լուսավոր Հայաստան»-ին՝ 1,7 տոկոս, «Հայաստանի շնորհապետական կուսակցությանը»՝ 1,5 տոկոս, «Միասնության թևեր»-ին՝ 1,5 տոկոս, «Հանրապետություն» կուսակցությանը՝ 1,1 տոկոս, «Հայ Ազգային Կոնգրես» կուսակցությանը՝ 1,1 տոկոս:
Ընդհանրապես չեմ քվեարկի նշել է 8,1 տոկոսը, կփչացնեմ քվեաթերթիկը՝ 2,7 տոկոսը, դժվարանում եմ պատասխանել՝ 14,3 տոկոսը, իսկ հրաժարվել է պատասխանել հարցվողների 11,4 տոկոսը:
Նշենք, որ անցկացվել են հեռախոսային հարցումներ, հարցումների քանակը՝ 1001, հետազոտության ընտրանքային սխալը՝ 3 տոկոս, հետազոտության իրականացման ժամանակահատվածը՝ մարտի 1-ապրիլ:
