Իսրայելի ռազմաօդային ուժերը միաժամանակ իրականացրել են հարվածների 2 ալիք Իրանի և Լիբանանի ուղղությամբ՝ այնտեղ հարվածելով ավելի քան 200 տարբեր թիրախների։ Այս մասին հայտարարել է Իսրայելի բանակի մամուլի ծառայությունը։
Հայտարարության համաձայն՝ Իրանում հարվածները թիրախավորել են Իսլամական հեղափոխության պահապանների կորպուսի (ԻՀՊԿ, Իրանի զինված ուժերի էլիտար ստորաբաժանում) ռազմական օբյեկտները, զենքի պահեստները, հրթիռների մշակման և արտադրության օբյեկտները, ինչպես նաև հակաօդային պաշտպանության համակարգերը։ Ընդհանուր առմամբ, հարվածներ են հասցվել Իրանի տարածքում գտնվող «տասնյակ թիրախների», նշվում է հայտարարության մեջ։
Լիբանանում հարվածներ են հասցվել շիական «Հըզբոլլահ» կազմակերպության ռազմական օբյեկտներին։ Մասնավորապես, Իսրայելի ռազմաօդային ուժերը հարվածել են հրթիռային կայանքներին, զենքի պահեստներին և Ռադվան հատուկ նշանակության ուժերի հրամանատարական կենտրոններին։ Բանակը հայտարարել է, որ այս հարվածների շարքի ընթացքում Լիբանանում հարվածներ են հասցվել ավելի քան 140 թիրախների
