Ավստրալիան Մերձավոր Արևելք է տեղակայել SAS հատուկ նշանակության էլիտար ստորաբաժանում՝ Իրանի շուրջ հակամարտության սրման մտավախությունների ֆոնին:
Այս մասին հայտնել է The Daily Telegraph-ը՝ նշելով, որ տեղակայումը կատարվել է առանց հրապարակային հայտարարության: Աղբյուրներին հղում անելով՝ հրատարակությունը նշում է, որ ստորաբաժանումը, ենթադրաբար, տեղակայված է Արաբական Միացյալ Էմիրությունների Ալ Մինհադ ավիաբազայում, սակայն տեղակայման ճշգրիտ վայրը և մանրամասները չեն բացահայտվում։
«Դեյլի Թելեգրաֆ»-ը նշում է, որ տեղակայված ուժերը «նախատեսված չեն մարտական գործողություններին մասնակցելու համար, և նրանց հիմնական առաքելությունն է ապահովել անվտանգությունը և հնարավոր է՝ տարհանման գործողություններ իրականացնել, այդ թվում՝ դիվանագիտական առաքելությունների անձնակազմի համար»։
