Արհեստական բանականությամբ իրականացվող կիբերհարձակումները առաջիկա երկու տարիներին կարող են լուրջ վտանգ ստեղծել տիեզերական ենթակառուցվածքների համար։ Փորձագետների կարծիքով՝ հաքերները կարող են ներթափանցել արբանյակների կառավարման համակարգեր, փոխել դրանց ուղին և բախեցնել միմյանց, ինչն էլ կհանգեցնի շղթայական կործանման։ AI-ն արդեն օգտագործվում է ծրագրային խոցելիություններ հայտնաբերելու համար, սակայն նույն տեխնոլոգիաները կարող են կիրառվել նաև հարձակման նպատակով՝ զգալիորեն արագացնելով գործընթացը։
Սա հատկապես վտանգավոր է, քանի որ շատ հին արբանյակներ չունեն բավարար կիբերպաշտպանություն։Եթե նման սցենար իրականանա, բախումների արդյունքում առաջացած բեկորները կարող են երկար ժամանակով վտանգավոր դարձնել Երկրի շուրջ տարածությունը՝ խաթարելով արբանյակային կապը և այլ կարևոր համակարգերի աշխատանքը։
