ԿԺԴՀ-ն կամրապնդի իր բարեկամությունն ու կապերը Չինաստանի հետ։ Այս մասին ասվում է երկրի առաջնորդ Կիմ Չեն Ընի կողմից Չինաստանի նախագահ Սի Ծինփինին ուղղված հեռագրում, հաղորդում է Կորեայի կենտրոնական լրատվական գործակալությունը (KCNA):
Կիմ Չեն Ընը շնորհակալություն է հայտնել իր չինացի գործընկերոջը՝ Կորեայի աշխատավորական կուսակցության (ԱԿԿ) գլխավոր քարտուղարի պաշտոնում վերընտրվելու կապակցությամբ շնորհավորանքների համար ԱԿԿ 9-րդ համագումարում։ «Կորեա-չինական ավանդական բարեկամության հետագա ամրապնդումն ու զարգացումը՝ նոր դարաշրջանի պահանջներին և երկու երկրների ժողովուրդների ձգտումներին համապատասխան, մեր կուսակցության և կառավարության անսասան դիրքորոշումն է։
Հուսով եմ, որ երկու կուսակցությունների և երկու երկրների՝ ԿԺԴՀ-ի և ՉԺՀ-ի միջև համագործակցությունն ավելի սերտ կդառնա, քանի որ մենք առաջ ենք մղում ընդհանուր սոցիալիստական գործը», - ասվում է հեռագրում։ ԱԿԿ 9-րդ համագումարը տեղի է ունեցել Փհենյանում փետրվարի 19-ից 25-ը։ Այնին մասնակցել են 5000 պատվիրակներ և 2000 դիտորդներ։
