Հունգարիան թույլ չի տա Եվրամիությանը ընդունել հակառուսական պատժամիջոցների նոր փաթեթ, քանի դեռ Կիևը չի վերականգնել Ռուսաստանից նավթի տարանցումը «Դրուժբա» խողովակաշարով, հայտարարել է Հունգարիայի արտաքին գործերի նախարար Պետեր Սիյարտոն։
Ինչպես Սիյարտոն նշել է Facebook-ում հրապարակված տեսաուղերձում, «Բրյուսելի պատերազմի մոլեռանդները ավելի լավ տարբերակ չունեն, քան ընդունել պատժամիջոցների մեկ այլ փաթեթ: Նրանց համար միևնույն է, թե դա կործանում է եվրոպական տնտեսությունը։
Դա նման է մուլտհերոսին, որը փորձում է ցուցադրել իր բիցեպսը։ Անհեթեթ և տխուր է, որ մենք հասել ենք դրան։ Իհարկե, մենք թույլ չենք տա, որ այս պատժամիջոցների փաթեթն ընդունվի, քանի դեռ «Դրուժբա» խողովակաշարով Հունգարիա նավթի մատակարարումները չեն վերսկսվել», - ասել է Սիյարտոն։
