ԱՄՆ պաշտպանության նախարարությունը մտադիր է իսլամական ահաբեկչական խմբավորումների դեմ պայքարում հետևել ռեսուրսախնայող մոտեցման։ Այդ մասին նշվում է ԱՄՆ ազգային պաշտպանության նոր ռազմավարության մեջ, որը հրապարակել է ռազմական գերատեսչությունը։
«Նախարարությունը կպահպանի ռեսուրսների տեսանկյունից կայուն մոտեցում իսլամական ահաբեկիչներին հակազդելու հարցում՝ հատուկ ուշադրություն դարձնելով այն կազմակերպություններին, որոնք ունեն Միացյալ Նահանգներին հարված հասցնելու կարողություն և մտադրություն»,-նշված է փաստաթղթում։
