Եվրոպական խորհրդարանի անվտանգության և պաշտպանական հարցերի հանձնաժողովի նախագահ Մարի-Ագնես Շտրակ-Ցիմերմանը (Գերմանիայի Ազատ Դեմոկրատական կուսակցություն) կոչ է արել վերադարձնել Գերմանիայի ոսկու պահուստը, որը պահվում է ԱՄՆ-ում։ Այս քայլի հիմնավորում նա համարել է ԱՄՆ նախագահ Դոնալդ Թրամփի վարչակազմի քաղաքականության անկանխատեսելիությունը։
«Աշխարհաքաղաքական անորոշության աճի և ԱՄՆ նախագահի՝ Թրամփի քաղաքականության անկանխատեսելիության պայմաններում այլևս հիմնավորում չկա, որ Գերմանիայի ոսկու պահուստի 37%-ը՝ ավելի քան 1230 տոննա, պահվի Նյու Յորքի Դաշնային պահուստային համակարգի պահարաններում», — ասել է Շտրակ-Ցիմերմանը Spiegel ամսագրին։
Նրա խոսքով՝ այս մոտեցումը արդարացված էր Սառը պատերազմի ժամանակ, սակայն այսօր աշխարհաքաղաքական իրավիճակը հիմնարարորեն փոխվել է։
«Միայն համակողմանի գործընկերոջ (ԱՄՆ) նկատմամբ վստահությունը չի կարող փոխարինել տնտեսության և անվտանգության քաղաքականության ինքնիշխանությունը», — հավելել է Եվրոպական խորհրդարանի անդամը։
