ԱՄՆ ներքին անվտանգության նախարար Քրիստի Նոեմը, ամփոփելով Թրամփի վարչակազմի առաջին տարին, հայտարարել է երկրից 3 միլիոն միգրանտի արտաքսման մասին, որոնցից 2.2 միլիոնը կամավոր հեռացել է ինքնաարտաքսման ծրագրի շրջանակներում։
«Թրամփի վարչակազմի առաջին տարում մոտավորապես 3 միլիոն անօրինական ներգաղթյալներ լքել են Միացյալ Նահանգները՝ շնորհիվ Թրամփի վարչակազմի անօրինական ներգաղթի դեմ պայքարի արշավի։ 2.2 միլիոնը լքել են Միացյալ Նահանգները կամավոր, իսկ ավելի քան 675,000-ը բռնի կերպով արտաքսվել են», - գրել է Նոեմը X-ում։
2025 թվականի դեկտեմբերին նախարարությունը հայտնեց երկրից ընդհանուր առմամբ 2.5 միլիոն օտարերկրացու արտաքսման մասին, որոնցից 1.9 միլիոնը լքել է երկիրը ինքնաարտաքսման ծրագրի շրջանակներում։
2025 թվականի հունվարի 20-ին ԱՄՆ 47-րդ նախագահի պաշտոնը ստանձնելուց ի վեր Թրամփը բազմիցս հայտարարել է, որ իր պաշտոնը ստանձնելուց առաջ մոտ 25 միլիոն մարդ անօրինական ճանապարհով մուտք է գործել երկիր։
