Մերձավոր Արևելքում երկարաժամկետ կարգավորման համար անհրաժեշտ է Պաղեստինի պետության ստեղծում, հայտարարել է Ռուսաստանի արտաքին գործերի նախարար Սերգեյ Լավրովը՝ Վաշինգտոնի կողմից «Խաղաղության խորհուրդ» ստեղծելու ծրագրի լույսի ներքո։
ԱՄՆ նախագահ Դոնալդ Թրամփը նախկինում հայտարարել էր Գազայի հարցով «Խաղաղության խորհուրդ» ստեղծելու մասին և մի շարք երկրների, այդ թվում՝ Ռուսաստանի և Բելառուսի առաջնորդներին հրավիրել էր միանալ դրան։
«Մենք նաև համոզված ենք, որ Մերձավոր Արևելքում երկարաժամկետ կարգավորման համար անհրաժեշտ է վերջապես իրականացնել ՄԱԿ-ի որոշումը Պաղեստինի պետության ստեղծման վերաբերյալ, և ես ուզում եմ ընդգծել, որ այս չափանիշը լիովին պահպանում է իր արդիականությունը՝ հաշվի առնելով նախագահ Թրամփի ներկայիս բարձր մակարդակի նախաձեռնությունը՝ ստեղծելու «Խաղաղության խորհուրդ»- ասել է Լավրովը 2025 թվականի ռուսական դիվանագիտության արդյունքները ամփոփող մամուլի ասուլիսում։
2025 թվականի նոյեմբերի կեսերին ՄԱԿ-ի Անվտանգության խորհուրդը հաստատեց ԱՄՆ-ի առաջարկած բանաձևը, որը աջակցում էր Թրամփի համապարփակ ծրագրին՝ Գազայի հատվածում իրավիճակի կարգավորման համար։
