ԱՄՆ նախագահ Դոնալդ Թրամփը Truth Social-ում հրապարակել է Ֆրանսիայի նախագահ Էմանուել Մակրոնի անձնական ուղերձը, որում նա առաջարկել է Փարիզում կազմակերպել «Մեծ յոթնյակի» (G7) հանդիպում և հրավիրել Ռուսաստանին մասնակցելու։
«Ես կարող եմ կազմակերպել G7 հանդիպում Փարիզում հինգշաբթի օրը Դավոսից հետո։ Ես կարող եմ հրավիրել ուկրաինացիների, դանիացիների, սիրիացիների և ռուսների», - ասվում է հայտարարության մեջ։ Մակրոնը նաև հրավիրել է Թրամփին իր հետ ճաշելու Ֆրանսիայի մայրաքաղաքում՝ նախքան ամերիկացի առաջնորդի Միացյալ Նահանգներ մեկնելը։
Մակրոնը Թրամփին անվանել է «ընկեր» և նշել, որ Սիրիայի հարցում իրենց դիրքորոշումները լիովին համընկնում են՝ հավելելով, որ նրանք «կարող են մեծ բաներ անել» իրանական հարցի վերաբերյալ: Սակայն Ֆրանսիայի նախագահը ընդգծեց, որ չի հասկանում, թե ինչ է մտադիր անել Թրամփը Գրենլանդիայի հարցում:
