Բուլղարիայի նախագահ Ռումեն Ռադևը հրաժարական է տալիս, հաղորդում է bTV Novinite-ն։ Բուլղարիայի ժողովրդին ուղղված իր ուղերձում նա ասել է, որ վաղը կներկայացնի իր հրաժարականը։
Ռադևի խոսքով՝ փոխնախագահ Իլիանա Յոտովան կլինի «պետության արժանի ղեկավար»։
«Հանգամանքները ստիպել են ինձ յոթ անգամ նշանակել ժամանակավոր կառավարություն՝ իմ լիազորությունների սահմաններում պետական և հասարակական շահերը պաշտպանելու համար։ Այսօր ես վերջին անգամ դիմում եմ ձեզ որպես Բուլղարիայի նախագահ», - ասել է Ռադևը։
Նա Բուլղարիայի նախագահն է ինը տարի՝ 2017 թվականի հունվարից։ Ռադևը նշել է, որ այս ընթացքում Բուլղարիան ավարտել է իր եվրոպական ինտեգրացիան և միացել Շենգենյան գոտուն և Եվրագոտուն։
«Հարցն այստեղ այն է, թե ինչու այս նպատակների իրականացումը կայունություն և բավարարվածություն չբերեց։ <…> Ինչո՞ւ են եվրոպական Բուլղարիայում այդքան շատ մարդիկ իրենց աղքատ զգում, և նույնիսկ ավելի շատերն ապրում անապահովության մեջ։ Ես բազմիցս նշել եմ, որ պատասխանը թաքնված է կոշտ քաղաքական մոդելում», - հավելել է նախագահը։
