Մեծ Բրիտանիայի վարչապետ Քիր Սթարմերը շտապ ուղերձով դիմել է ազգին՝ պարզաբանելու կառավարության դիրքորոշումը Գրենլանդիայի վերաբերյալ։ Իր ելույթի ընթացքում նա նշել է, որ Գրենլանդիայի նկատմամբ ինքնիշխանության հարցը պետք է որոշեն միայն կղզու բնակիչները և Դանիան։
«Ինչ վերաբերում է Գրենլանդիային, նման լրջության հարցին ճիշտ մոտեցումը դաշնակիցների միջև հանգիստ քննարկումն է։ Գրենլանդիան կարևոր է»։
Վերին Հյուսիսը կպահանջի ավելի մեծ ներդրումներ և ավելի ուժեղ կոլեկտիվ պաշտպանություն: Միացյալ Նահանգները կենտրոնական դեր կխաղա այս ջանքերում, և Միացյալ Թագավորությունը պատրաստ է իր ներդրումն ունենալ:
«Սակայն այստեղ կա մի սկզբունք, որը չի կարելի անտեսել։ Գրենլանդիայի ապագա կարգավիճակի վերաբերյալ ցանկացած որոշում կայացնում են բացառապես Գրենլանդիայի ժողովուրդը և Դանիայի Թագավորությունը», - ասել է Սթարմերը՝ ելույթ ունենալով Դաունինգ սթրիթի իր գրասենյակից։
Անդրադառնալով ԱՄՆ նախագահ Դոնալդ Թրամփի՝ Գրենլանդիայի նկատմամբ Վաշինգտոնի պահանջները չճանաչելու համար եվրոպական երկրների նկատմամբ մաքսատուրքեր սահմանելու սպառնալիքներին՝ Մեծ Բրիտանիայի վարչապետը հայտարարել է, որ «առևտրային պատերազմը ոչ մեկի շահերից չի բխում»։ Նա ընդգծել է, որ Լոնդոնը հույս ունի հասնել վեճի դիվանագիտական կարգավորման։
